Benvido a 2.0 Editora

Shopping Cart

Now in your cart 0 items.

Prestige. Tal como foi, tal como fomos

Be the first to review this product

Availability: In stock

€ 9,95

Quick Overview

Este libro é un retrato do desastre, da galería de personaxes e protagonistas da traxedia, e de como nos comportamos como sociedade diante do desastre. Mudaron algo as cousas dez anos despois? Xulguen vostedes.

More Views

Prestige. Tal como foi, tal como fomos

Double click on above image to view full picture

Zoom Out
Zoom In

Details

En novembro de 2002 a sociedade galega sofre unha devastadora catástrofe que provoca, en palabras do autor, un “cambio de mentalidade, un trastorno social transitorio” dos galegos. A ausencia de Estado diante do afundimento do Prestige cóbrese cunha marea branca de voluntarios que limparon as costas galegas de chapapote e de indolencia política.

Prestige, tal como foi, tal como fomos, segundo título da colección xornalistas, narra a crónica dese desastre, do que aconteceu desde a traxicomedia da xestión do desastre, ata os delirios de grandeza das solucións políticas ante a inminente catástrofe.

En palabras do autor:

"Este é o país que hai. O Prestige foi unha traxedia, pero deunos unha das poucas oportunidades que aproveitamos para demostrar que podemos ter dignidade. Que se queremos, ou se cadra, podemos ser algo máis e mellor do que somos.

A meirande marea negra da historia de Galicia provocou un cambio de mentalidade. Un trastorno social transitorio. Se non foi a máis debeuse a que a clase política que debería facelo seu, non o fixo. As forzas de esquerda por falta de ambición, exceso de conservadorismo ou medo a perder o posto. As de dereitas, polo mesmo, e porque as faccións máis reaccionarias se deron conta de que este anaco de mundo quería coller o temón para mudar un chisco o rumbo, e actuou en consecuencia.

Por esa razón neste libro non descubro as claves de nada, e o editor mentirá se pon iso na contraportada, porque do Prestige todo se sabe, ou sábese o que se pode saber, e o que queda é que se determinen as responsabilidades, na medida en que un xuízo as pode determinar, que neste caso é case nada. O que si intento é facer un retrato daqueles días. Eses retallos da vida que pasan en 20 segundos, pero en longo, e por escrito, que é do que máis ou menos sei.”

Prestige. Tal como foi, tal como fomos é o relato daqueles días, da galería de personaxes e protagonistas da traxedia, e de como nos comportamos como sociedade diante do desastre. Mudaron algo as cousas 10 anos despois? Xulguen vostedes. Mais o que si quedou claro é o desexo doutra Galicia posible. A sociedade simplemente agarda que os representantes políticos sintonicen a súa frecuencia. En Prestige. Tal como foi, tal como fomos, Xosé Manuel Pereiro retrata o acontecido des que o Prestige entrou nas nosas vidas ata que emporcou as nosas costas, nunha emocionante reportaxe na que o lector recoñecerá o seu habitual humor e enxeño. Unha mirada indispensable para entender por que a sociedade galega segue a berrarlle ao mundo “Nunca Máis!”.

XOSÉ MANUEL PEREIRO

(Monforte de Lemos, Lugo, 1956). Traballou como xornalista en radio, prensa e televisión nos principais medios de prensa ibérica. Actualmente é colaborador e analista no diario El País, e columnista noutros diarios da Internet. Desde maio de 2008 é decano do Colexio Profesional de Xornalistas de Galicia.

Product Tags

Use spaces to separate tags. Use single quotes (') for phrases.